Husik buat hotu Hodi tuir Nia

 

Terceiro Domingo do Tempo Comum

 

1a. Leitura: Is 8:23—9:3

2a. Leitura: 1 Cor 1:10-13, 17

Evangelho: Mt 4:12-23 or 4:12-17

 

Evangelho Saun Mateus fo hanoin mai ita kona ba ita nia vokasaun. Vokasaun ne’ebé iha ita nia moris ne’e  iha oin tolu mak hanesan: Vokasaun ba kaben Nain, moris mesak, no ba vida religiosa/o. Hau hakarak foka liu ba vida religiosa nian.

Iha Ita nia Vokasaun ne’bé maka iha ne’e ita nia desijaun rasik. Jesus bolu ita, no ita hatan ninia bolu ne’e.  Fofoun hahu atu tuir Nia, ita kontente tamba ita la hatene atu ba ne’ebé los no saida mak atu akontese ba ita. Maibe neneik ita discobre katak buat barak mak ita sei hosoru iha dalan naruk ida ne’e. Ita presija  lori Ninia krus hodi tuir nia.

Lori krus maka hanesan: wainhira ita husik buat hotu (Familia,nasaun…), no iha dalan klaran ita sei hasoru difikuldade barak. Tamba ita hatene katak dalan ida ne’e la fasil maibe ita presija esforsu an hodi husu Ninia ajuda hodi fo grasa, bensaun no korajen ba ita atu nunee ita bele hatak liu ba oin ho laran metin nafatin ba Nia.

Ita fiar Katak Nia bolu ita, nia sei la husik ita monu no la’o hamutuk hoita nafatin. Ho fiar ida ne’e mak  ita hakarak  husik bua hotu no fo buat hotu la iha reserva maske difisil maibe dudu neneik sei too iha neba.

Reflesaun husi: Irmã Felizarde dos Santos, OP

 

  

Kontinua Le'e

SAI TESTEMUNHA BA JESUS HO ITA NIA EJEMPLO MORIS.

 

Domingo Daruak  Tempo Baibain

 

Primeira Leitura: Is 49:3, 5-6

Segundo Leitura: 1 Cor 1:1-3

Evanjelho: Jn 1:29-34

 

 

Evangelho loron ohin nian enfatiza kona ba São João Baptista nia lalaok fiar nian. Hanesan mensageiro Maromak nian, São João Baptista mai uluk hodi prepara fatin hodi simu Jesus. Molok Maromak haruka São João Baptista mai, Maromak hili uluk Israel oan sira atu sai nia servidor ba nia Liafuan. Sai hanesan atan ba Maromak nia mensagem, Maromak hasai sira husi mundu nian ukun, terus no susar.

Tamba deit Israel nia fiar mak Maromak halo sira sai naroman ba nasaun hotu no salvasaun Maromak nian ba ema hotu iha mundu tomak. Ho ida ne mak naroman ne’ebé Maromak fo ona ba Israelita sira kontinua haklaken husi São João Baptista sai ba ema ne’ebé moris iha nakukun laran. Nia lori ema sira sai husi dalan at hodi tuir Maromak. São João Baptista sarani ema hotu ho nia fiar liu husi be hodi hein Jesus Kristu nia spiritu atu hasantu  ema sira hodi sai Maromak nia oan. Hanesan Maromak nia atan, São João Baptista rekonese nia an katak nia la’os maksoin, maibe nia mak mata dalan ba Maksoin ne’ebé atu mai.

Humilidade nebe mak São João Baptista konfesa kona ba nia an halo evangelista joao mos hare Jesus hanesan Maromak nia oan rasik. Hanesan São João Baptista mai ita haklaken Maromak ba ema seluk, tamba ita nia fiar mos bele loke ema seluk nia fuan hodi lao tuir Jesus.

São João Baptista nia fiar halo nia rona no hare Maromak nia manifestasaun ba nia oan rasik. Ho ita ne mak São João Baptista haklaken katak ho Jesus mak ita bele iha Spiritu santu Maromak nian. No fiar nebe mak sira haklaken kontinua iha São Paulo ne’ebé mak Jesus rasik hili hodi lori nia mensagem domin nian ba Mundu tomak. Tamba deit humilidade São Paulo husik nia moris pasado nian hodi tuir Jesus iha nia moris tomak.

 

Reflesaun Husi: Irmã Rosaria Aurea Ximenes, OP

 

Kontinua Le'e

BUKA NAROMAN TOO HETAN

 

Domingo Epifania do Senhor

1a. Leitura: Is 60:1-6

2a. Leitura: Eph 3:2-3a, 5-6

Evangelho: Mt 2:1-12

 

 

Kristu, ita-nia naroman mai ona iha mundu no nabilan iha nakukun laran.

Iha festa  Epifania nian ne 'e, koalia kona ba Na' i nia manifestasaun ba povu hotu-hotu no reprezenta husi ema matenek nain sira ne' ebé mai husi loro-sae atu bá adora, ema Judeu nia Liurai.

Evangelho Saun Mateus fo hanoin mai ita katak ema matenek nain tolu maske husi dook maka mai maibe sira mai ho objetivu ida no fokus hodi buka Naroman ne’e too hetan duni. Naroman ne’ebé mai ona iha mundu hodi leno iha nakukun laran. Sira hanorin ita oinsa bele fokus ba buat nebe prioridade liu ba ita nia moris maka Nain nia prejensa mai iha ita le’et. Tan Nia lori domin, paz no unidade mai iha mundu. Sira nain tolu hanorin ita lisaun hanesan pasensia, fokus no nakonu ho esperansa.

Matenek nain tolu ne’e wainhira ba hare Menino Jesus ho presente furak ida hanesan osan mean, ai wen morin, ho mina morin. Ba ita nu’udar Sarani Katolika, presente saida maka ita bele oferese ba Nia? Wainhira ita hakarak atu oferese duni presente ida ba Nia maka hanesan perdua ema, hadomi ema seluk hanesan ita an rasik.

 

Reflesaun Husi: Irmã Felizarde dos Santos, OP

 

  

 

Kontinua Le'e

MARIA RAI BUAT HOTU IHA NIA FUAN

 

SOLENIDADE MARIA MAROMAK NIA INAN

 

1a. Leitrua:      Nm 6:22-27

  2a. Leitura:     Gal 4:4-7

       Evanjelho:    Lk 2:16-21

 

Mundu ne’e sei naroman ho dame no domin se ita hafoun ita nia moris ho hanoin ne’ebé positive. Tinan foun hanesan opportunidade ida ba ita ema atu komesa moris foun, moris ne’ebé nakonu deit ho Maromak nia Spiritu santo. Ho Opportunidade ida ne, ita mos sei fo tempu hodi halo reflesaun kona ba ita nia lalaok iha tempu pasado nian. Oinsa ita nia relasaun ho Maromak ho ita nia Maun alin sira no mos ho ita nia an rasik? Tamba buat hotu ne’ebé  ita halao iha ita nia vida moris nian, ida ne’ebé essencial tebes mak, Domin ba Maromak, no ba ema seluk hanesan ita nia an rasik.  Ho ida ne mak Hau konvida ita hotu atu reflete evangelio ohin nian husi Saun Lukas 2:16-21.

Iha Evanjelho ne’e haktuir katak: “Wainhira Bibi atan sira hare Jesus, Maria Ho Jose iha Belem sira haksolok no haklaken makas hodi fo gloria ba Maromak” Mai ita reflete hamutuk, tamba sa mak bibi atan sira haksolok tebes wainhira hare Jesus  ne’ebé mak toba det iha Bibi luhan? No tamba mak sira fo Gloria ba Maromak?

Wainhira Bibi atan sira hare Jesus  ne’ebé toba iha bibi luhan, sira hare Maromak nia prejensa, sira hare esperansa, sira hare ksolok, sira hare naroman no sira senti Domin. Hare ba ita nia mundu modernu, wainhira ita visita ema kiak sira ita triste tebes tamba sa sira moris nune, tamba sa sira hela iha fatin a’at, Dalaruma ita la valoriza sira hanesan Maromak nia kriatura tamba deit vida moris nian differente.  Maibe Bibi atan sira ohin ne hanorin ita atu hare ba buat nebe importante no namoran tebes ba ita, ida ne’e mak hare ba Jesus ne’ebé toba iha bibi luhan laos hare ba fatin  ne’ebé mak nia toba ba.

Loron ohin ita selebrate Solenidade Maria Maromak nia inan, hodi relembra realidade Jesus Cristo nia incarnasaun. Jesus sai ema liu husi Maria hodi ida ne mak ita bele hatene didiak Jesus liu husi Maria.  Sai Hanesan Inan ba Igraja Maria mos inan ba Intercesaun. Honra Maria atu hatudu ita nia respeita ba nia hanesan Jesus nia Inan. Ita nia domin ba Maria nunka mais boot liu Jesus Christu nian, Jesus hadomi Maria liu buat hotu tamba ho Maria mak nia sai ema lolos. Mai ita selebra Maria Maromak nian ida hodi husu nia sai belun no modelu moris nian ba ita. Hanesan Maria ita mos tenki iha coragem hodi simu terus no susar iha silensio nia naran no entrega det ba Maromak. Ho Maria, mai ita sai ema  ne’ebé mak hanoin foun hodi hadia ita nia moris hanesan Kristaun  ne’ebé hadomi Maromak no maun Alin sira.

 

Reflesaun Husi: Irmã Rosaria Aurea Ximenes,OP

 

 

Kontinua Le'e